44 துருத்தியுள் அக்கரை

துருத்தியுள் அக்கரை தோன்றும் மலைபோல்

விருத்திகண் காணிக்கப் போவார் முப்போதும்

வருத்தி உள்நின்ற மலையைத் தவிர்ப்பாள்

ஒருத்தி உள்ளாள் அவள்ஊர் அறியோமே---திருமந்திரம் 2895

39 ஆமை ஒன்று ஏறி

ஆமை ஒன்று ஏறி அகம்படியான் என

ஓம என்று ஓத உள்ளோளியாய் நிற்கும்

தாம நறுங்குழல் தையலைக் கண்டபின்

சோம நறுமலர் சூடி நின்றாளே--- திருமந்திரம் 1194

38 சூடும் இளம்பிறை

சூடும் இளம்பிறை சூல கபாலினி

நீடும் இளங்கொடி, நின்மலி நேரிழை

நாடி நடு இடை, ஞானம் உருவ நின்று,

ஆடும் அதன்வழி அண்ட முதல்வியே. திருமந்திரம்.1197

36 ஒங்காரத்துள்ளே

ஒங்காரத்துள்ளே  உதித்த  ஐம்பூதங்கள்,

ஒங்காரத்துள்ளே உதித்த சராசரம்

ஓங்கார அதீதத்து உயிர்  மூன்றும்  உற்றன

ஓங்கார சீவன் பரசிவன்  ஆமே—திருமந்திரம்  2640

34 பின்னை நின்று

பின்னை நின்று என்னே பிறவி பெறுவது

முன்னை நன்றாக முயல்தவம் செய்திலீர்

என்னை நன்றாக இறைவன் படைத்தனன்

தன்னை நன்றாகத் தமிழ் செய்யுமாறே. திருமந்திரம் 63

29 பதி பசு பாசம்

பதி பசு பாசம்—எனப் பகர் மூன்றில்

பதியினைப் போல் பசு பாசம் அனாதி

பதியினை சென்று அணுகா பசு,பாசம்

பதி அணுகின் பசு, பாசம் நில்லாவே

 .

திருமந்திரம் 113

22 வானவர் என்றும்

வானவர் என்றும் மனிதர் இவர் என்றும்

தேன் அமர் கொன்றைச் சிவன் அருள் அல்லது

தான் அமர்ந்து ஓரும் தனித்தெய்வம் மற்று இல்லை;

ஊன் அமர்ந்தோரை உணர்வது தானே.

திருமந்திரம். 107

21 பாடவல்லார் நெறி

பாடவல்லார் நெறி பாட அறிகிலேன்

ஆட வல்லார் நெறி ஆட அறிகிலேன்

நாட வல்லார் நெறி ஞானம் அறிகிலேன்

தேட வல்லார் நெறி தேடுகில்லேனே

திருமந்திரம் 78

20 அங்கி மிகாமை வைத்தான்

அங்கி மிகாமை வைத்தான் உடல்; வைத்தபின்

எங்கும் மிகாமை வைத்தான் உலகு ஏழையும்;

தங்கி மிகாமை வைத்தான் தமிழ்ச் சாத்திரம்;

பொங்கி மிகாமை வைத்தான் பொருள் தானுமே.

திருமந்திரம் 

19 புரையற்ற பாலினுள்

புரையற்ற பாலினுள் நெய் கலந்தாற்போல்

திரை அற்ற சிந்தையுள் ஆரியன் செப்பும்

உரையற்று உணர்வோர் உடம்பு இங்கு ஒழிந்தால்

கரை அற்ற சோதி கலந்த சத்து ஆமே. திருமந்திரம் 132

18 புவனம் படைப்பார்

புவனம் படைப்பார்  ஒருவன் ஒருத்தி

புவனம் படைப்பார்க்கு  புத்திரர்  ஐவர்

புவனம் படைப்பானும்  பூமிசை  ஆயன்

புவனம் படைப்பான் அப்புண்ணியன் தானே

திருமந்திரம்.197

13 மாதா உதரம் மலம்

மாதா உதரம் மலம் மிகின் மந்தன் ஆம்;

மாதா உதரம் சலம் மிகின் மூங்கை ஆம்

;
மாதா உதரம் இரண்டு ஒக்கின் கண் இல்லை;

மாதா உதரத்தில் வந்த குழவிக்கே.

திருமந்திரம்.290

மூங்கை ---ஊமை.

11 பண்டம் பெய்கூரை

பண்டம் பெய்கூரை பழகி விழுந்தக்கால் 

உண்டஇப்பெண்டிரும் மக்களும் பின் செலார்

கொண்டவிரதமும் ஞானமும் அல்லது 

மண்டி அவருடன் வழிநடவாதே---திருமந்திரம்

     317

10 கைவிட்டு நாடிக்

கைவிட்டு நாடிக் கருத்து அழிந்து அச்சு அற

நெய் அட்டிச் சோறு உண்ணும் ஐவரும் போயினர்

மைஇட்ட கண்ணாளும் மாடும் இருக்கவே

மெய்விட்டுப் போக விடை கொள்ளுமாறே


திருமந்திரம் 324

9 நாட்டுக்கு நாயகன்

நாட்டுக்கு நாயகன் நம் ஊர்த் தலைமகன்

காட்டுச் சிவிகை ஒன்று ஏறி கடைமுறை

நாட்டார்கள் பின் செல்ல முன்னே பறை கொட்ட 

நாட்டுக்கு நம்பி நடக்கின்ற வாறே

திருமந்திரம் 326

7 குழவியும் ஆணாம்

7

குழவியும் ஆணாம் வலத்தது ஆகின்;

குழவியும் பெண்ணாம் இடத்தது ஆகின்;

குழவி இரண்டாம் அபானன் எதிர்க்கின்;

குழவி அலி ஆகும் கொண்டகால் ஒக்கிலே. திருமந்திரம் 291

6 பாய்கின்ற வாயு

6
பாய்கின்ற வாயு குறையின் குறள் ஆகும்;

பாய்கின்ற வாயு இளைக்கின் முடம் ஆகும்;

பாய்கின்ற வாயு நடுப்படின் கூன் ஆகும்;

பாய்கின்ற வாயு மாதர்க்கு இல்லை பார்க்கிலே

திருமந்திரம் 289 

குறள்—குள்ளம்

5 மன்மனம் எங்குண்டு

5

மன்மனம் எங்குண்டு வாயுவும் அங்குண்டு

மன்மனம் எங்கில்லை வாயுவும் அங்கில்லை

மன்மனத்துள்ளே மகிழ்ந்திருப்பார்க்கு

மன்மனத்துள்ளே மனோலயம் ஆமே

திருமந்திரம்.613

மன்மனம்---உயிருணர்வு
மனோலயம்---மனம் ஒடுங்குதல்.

4 நடுவு நின்றார்க்கன்றி

4

நடுவு நின்றார்க்கன்றி ஞானமும் இல்லை

நடுவு நின்றார்க்கு நரகமும் இல்லை.

நடுவு நின்றார் நல்ல தேவரும் ஆவர்

நடுவு நின்றார் வழி நானும் நின்றேனே

திருமந்திரம் 539