43 அழிகின்ற சாயாபுருடனைப்

அழிகின்ற சாயாபுருடனைப் போல

கழிகின்ற நீரில் குமிழியைக் காணில்

எழுகின்ற தீயில் கற்பூரத்தை ஒக்கப்

பொழிகின்றது இவ்வுடல் போம் அப்பரத்தே—

திருமந்திரம் 2605

41 கருடனுருவங் கருதும்

கருடனுருவங் கருது மளவிற்

 பருவிடந் தீர்ந்து பயங்கெடு மாபோற்

குருவி னுருவங் குறித்தவப் போதே

திரி மலந் தீர்ந்து சிவன்அவன் ஆமே. திருமந்திரம் 2623

38 சூடும் இளம்பிறை

சூடும் இளம்பிறை சூல கபாலினி

நீடும் இளங்கொடி, நின்மலி நேரிழை

நாடி நடு இடை, ஞானம் உருவ நின்று,

ஆடும் அதன்வழி அண்ட முதல்வியே. திருமந்திரம்.1197

35 மறப்பதுவாய் நின்ற

மறப்பதுவாய் நின்ற மாய நன்னாடன்

பிறப்பினை நீங்கிய பேரருளாளன்

சிறப்புடையான் திருமங்கையும் தானும்

உறக்கமில் போகத்து உறங்கி இருந்தானே திருமந்திரம் 2939

34 பின்னை நின்று

பின்னை நின்று என்னே பிறவி பெறுவது

முன்னை நன்றாக முயல்தவம் செய்திலீர்

என்னை நன்றாக இறைவன் படைத்தனன்

தன்னை நன்றாகத் தமிழ் செய்யுமாறே. திருமந்திரம் 63

33 கலந்து நின்றாள் கன்னி

கலந்து நின்றாள் கன்னி காதலனோடு

கலந்து நின்றாள் உயிர் கற்பன எல்லாம்

கலந்து நின்றாள் கலை ஞானங்கள் எல்லாம்

கலந்து நின்றாள் கன்னி காலமுமாமே.

திருமந்திரம் 1202

29 பதி பசு பாசம்

பதி பசு பாசம்—எனப் பகர் மூன்றில்

பதியினைப் போல் பசு பாசம் அனாதி

பதியினை சென்று அணுகா பசு,பாசம்

பதி அணுகின் பசு, பாசம் நில்லாவே

 .

திருமந்திரம் 113