thirumoolar

Friday, 20 July 2018

44 துருத்தியுள் அக்கரை


துருத்தியுள் அக்கரை தோன்றும் மலைபோல்

விருத்திகண் காணிக்கப் போவார் முப்போதும்

வருத்தி உள்நின்ற மலையைத் தவிர்ப்பாள்

ஒருத்தி உள்ளாள் அவள்ஊர் அறியோமே---திருமந்திரம் 2895

43 அழிகின்ற சாயாபுருடனைப்


அழிகின்ற சாயாபுருடனைப் போல

கழிகின்ற நீரில் குமிழியைக் காணில்

எழுகின்ற தீயில் கற்பூரத்தை ஒக்கப்

பொழிகின்றது இவ்வுடல் போம் அப்பரத்தே

திருமந்திரம் 2605




42 உடலும் உயிரும்


உடலும் உயிரும் ஒழிவு அற ஒன்றின்

படரும் சிவசக்தி தானே பரமாம்

உடலைவிட்டு இந்த உயிர் எங்கும் ஆகிக்

கடையும் தலையும் கரக்கும் சிவத்தே

திருமந்திரம் 2606


41 கருடனுருவங் கருதும்


கருடனுருவங் கருது மளவிற்

 பருவிடந் தீர்ந்து பயங்கெடு மாபோற்

குருவி னுருவங் குறித்தவப் போதே

திரி மலந் தீர்ந்து சிவன்அவன் ஆமே. திருமந்திரம் 2623





Wednesday, 18 July 2018

40 கால் அங்கி நீர்,


கால், அங்கி, நீர், பூ, கலந்த ஆகாயமே

மால்,அங்கி,ஈசன்,பிரமன்,சதாசிவன்,

மேல் அஞ்சும் ஓடி, விரவ வல்லார்கட்குக்


காலமும் இல்லை,கருத்து இல்லைதானே. திருமந்திரம்.2279











39 ஆமை ஒன்று ஏறி


ஆமை ஒன்று ஏறி அகம்படியான் என

ஓம என்று ஓத உள்ளோளியாய் நிற்கும்

தாம நறுங்குழல் தையலைக் கண்டபின்

சோம நறுமலர் சூடி நின்றாளே--- திருமந்திரம் 1194

38 சூடும் இளம்பிறை


சூடும் இளம்பிறை சூல கபாலினி

நீடும் இளங்கொடி, நின்மலி நேரிழை

நாடி நடு இடை, ஞானம் உருவ நின்று,


ஆடும் அதன்வழி அண்ட முதல்வியே. திருமந்திரம்.1197